ვლადიმერ პუტინი: უკრაინაში ნატოს ლეგიონია მობილიზებული

2015-01-27 12:34:16, 892 ნახვა

მსოფლიო

„უკრაინაში მობილიზებულია უცხოური, კონკრეტულად კი ნატოს ლეგიონი“,-ამის შესახებ რუსეთის ფედერაციის პრეზიდენტმა ვლადიმერ პუტინმა აღმოსავლეთ უკრაინაში განვითარებულ მოვლენებთან დაკავშირებით განაცხადა.

პუტინის განცხადებით, უკრაინას არ სურს კრიზისის მშვიდობიანად მოგვარება.

„სამწუხაროდ უკრაინის ხელისუფლებას არ სურს კრიზისის მშვიდობიანად გადაჭრა. ჩვენ ხშირად ვახსენებთ უკრაინის არმიას, თუმცა რეალურად იქ არიან შეიარაღებული ძალების ოფიციალური დივიზია და ე.წ. მოხალისეთა ნაციონალისტური ბატალიონი. ეს კი უცხოურ, კონკრეტულად კი ნატოს ლეგიონს წარმოადგენს“,-განაცხადა პუტინმა.

შეგახსენებთ, რომ აღმოსავლეთ უკრაინაში საბრძოლო დაპირისპირება გრძელდება უკრაინელ სამხედრო პირებს და პრორუს სეპარატისტებს შორის.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან