მსოფლიო ფეხბურთის პორტუგალიელი ლეგენდა, კრიშტიანუ რონალდუ ესპანური საბრძოლო ორგანიზაცია WOW FC-ის მთავარი პარტნიორი გახდა.

აღსანიშნავია, რომ ესპანური MMA კომპანიის ერთ-ერთი მფლობელი UFC-ის მსუბუქი წონის ქართველი ჩემპიონი ილია თოფურიაა, რომელიც ორგანიზაციაში მიმდინარე წლის დასაწყისში შევიდა.

"WOW FC-ში კრიშტიანუ რონალდუს შემოსვლა ჩვენი სპორტისთვის ძალიან მნიშვნელოვანი მომენტია. ის წარმოადგენს პროფესიონალიზმის, მძიმე შრომისა და გლობალური სრულყოფილების უმაღლეს სტანდარტებს. როგორც მონაწილეები, ისე მაყურებლები - WOW-სა და რონალდუს გავლენით შთაგონებულები, იგრძნობენ, რომ უფრო მეტის მიღწევა და პროგრესი შეუძლიათ“, - განაცხადა თოფურიამ.

თავის მხრივ კომენტარი გაავრცელა "ალ-ნასრის" ფორვარდმაც:

"მოხარული ვარ, რომ დიდი ამბავი გაგიზიაროთ. WOW FC-ის თანამეწილე გავხდი. MMA წარმოადგენს ღირებულებებს, რომლებისაც მჯერა: დისციპლინა, პატივისცემა, გამძლეობა, ბრწყინვალებისკენ რეგულარულად სწრაფვა. WOW FC რაღაც უნიკალურსა და ძლიერს აშენებს და ამაყი ვარ, რომ ამ პროექტს ვუერთდები, რათა სპორტის ახალ დონეზე აყვანასა და მომდევნო თაობის შთაგონებაში დავეხმარო“, - დაწერა რონალდუმ.

ამრიგად, ლეგენდარული ქართველი და პორტუგალიელი სპორტსმენები ამიერიდან საქმიანი პარტნიორები არიან.

ავტორი: ექსპრესნიუსი,

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.