საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე აღდგომის ბრწყინვალე დღესასწაულს ავღანეთში ქართველ სამხედროებთან ერთად შეხვდა.

ბაგრამის საავიაციო ბაზაზე ქართველ სამხედრო მოსამსახურეებს აღდგომის დღესასწაული ავღანეთის ისლამურ რესპუბლიკაში საქართველოს უფროსმა სამხედრო წარმომადგენელმა, პოლკოვნიკმა მამუკა ქავთარაძემ და შეიარაღებული ძალების სხვა ხელმძღვანელმა პირებმა მიულოცეს.

გენერალური შტაბის უფროსი სააღდგომო ლიტურგიას საქართველოს შეიარაღებული ძალების IV მექანიზირებული ბრიგადის 43-ე და V ქვეითი ბრიგადის 51-ე ბატალიონების სამხედროებთან ერთად ბაზაზე არსებულ ქართულ სამლოცველოში დაესწრნენ. საზეიმო წირვა-ლოცვა 51-ე ბატალიონის კაპელანმა, დეკანოზმა გიორგი გაბლიშვილმა აღავლინა.

სააღდგომო მსახურებას ქართველ სამხედრო მოსამსახურეებთან ერთად,  კოალიციური ძალების მართლმადიდებლური აღმსარებლობის ჯარისკაცებიც დაესწრნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ათობით დაჭრილი, კიევი, ხარკოვი, ოდესა და დნიპრო რუსი ოკუპანტების დაბომბვის ქვეშ მოექცნენ

ლენინგრადის გუბერნატორმა განაცხადა, რომ რეგიონი „ფრონტის ხაზად“ იქცა

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო