თურქმენეთში რუსეთის ლიდერ ვლადიმერ პუტინთან შეხვედრისას, თურქეთის პრეზიდენტმა რეჯეფ თაიფ ერდოღანმა ხაზი გაუსვა უკრაინაში ომის კონტექსტში ენერგეტიკულ ობიექტებსა და პორტებზე თავდასხმების შეჩერების აუცილებლობას.

ამის შესახებ თურქული სააგენტო „ანადოლუ“ იტყობინება.

ერდოღანი პუტინს თურქმენეთის დედაქალაქში გამართული მშვიდობისა და ნდობის საერთაშორისო ფორუმის ფარგლებში შეხვდა. თურქეთის პრეზიდენტის კომუნიკაციების ოფისის ცნობით, მოლაპარაკებები რუსეთ-უკრაინის ომში მშვიდობის მიღწევის მცდელობებს შეეხო.

ერდოღანმა კიდევ ერთხელ გამოხატა თურქეთის მხარდაჭერა სამშვიდობო ძალისხმევის მიმართ. გარდა ამისა, დეტალურად განიხილეს ყველა საკითხი, მათ შორის ევროკავშირის მიერ რუსული აქტივების გაყინვა.

ერდოღანმა აღნიშნა, რომ ომის სამართლიანი და მდგრადი მშვიდობით დასრულებისკენ მიმართული ძალისხმევა დიდი ფასეულობაა და გამოთქვა რწმენა, რომ ორივე მხარისთვის პრაქტიკული სარგებლის მომტან სფეროებში პროგრესის მიღწევის შესაძლებლობა არსებობს.

ერდოღანმა ასევე აღნიშნა, რომ შეზღუდული ცეცხლის შეწყვეტა, რომელიც ძირითადად ენერგეტიკულ ობიექტებსა და პორტებს ეხება, შეიძლება სასარგებლო იყოს.

ერდოღანმა განაცხადა, რომ თურქეთი ყურადღებით აკვირდება ომის დასრულებისკენ მიმართულ მოლაპარაკებების პროცესს და ამ კონტექსტში შეუძლია მიიღოს მოლაპარაკებები ყველა ფორმატში.

შეგახსენებთ, რომ ცოტა ხნის წინ თურქეთის საგარეო საქმეთა სამინისტრომ უკრაინისა და რუსეთის საელჩოების წარმომადგენლები დაიბარა, რათა შეშფოთება გამოეხატა შავ ზღვაში რუსული „ჩრდილოვანი ფლოტის“ გემებზე თავდასხმების სერიის გამო.

პრეზიდენტმა ერდოღანმა ამ თავდასხმებს „საგანგაშო ესკალაცია“ უწოდა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი