ჰოლივუდის ოსკაროსანმა მსახიობმა კევინ სპეისიმ საკუთარი ორიენტაციის შესახებ განცხადება გააკეთა.

მსახიობმა „ტვიტერის“ საკუთარ გვერდზე შემდეგი შინაარსის განცხადება გაავრცელა: "დიდი ხნის განმავლობაში მე მქონდა ურთიერთობები როგორც კაცებთან, აგრეთვე ქალებთან. დღეს ვამბობ, რომ მე გეი ვარ".

"ოსკარის" ორგზის ლაურეატმა ეს განცხადება მას შემდეგ გააკეთა, რაც ჟურნალ BuzzFeed-ში სტატია დაიბეჭდა, რომელშიც მსახიობი ენტონი რეპმა მასზე სექსუალურ ზეწოლაში დაადანაშაულა. რეპის მტკიცებით 1986 წელს სპეისიმ ის საკუთარ წვეულებაზე დაპატიჟა და იქ მასთან სექსუალური კავშირის დამყარება ეცადა. აღსანიშნავია, რომ რეპი მაშინ 14 წლის იყო.

სპეისი ამტკიცებს, რომ მას ეს შემთხვევა არ ახსოვს: "თუ ეს ნამდვილად ასე იყო, მე ბოდიშს ვთხოვ მას", - უთხრა მსახიობმა ჟურნალისტებს ბრალდებების მოსმენის შემდეგ.

კევინ სპეისს პირად ცხოვრებაზე ხმამაღლა არასოდეს უსაუბრია , სწორედ ეს ჩაკეტილობა პერსონის ირგვლივ წლების მანძილზე გარკვეულ ჭორებს ბადებდა.

კევინ სპეისი არის ამერიკელი მსახიობი, რეჟისორი, პროდიუსერი და სცენარისტი. გაზიარდა კალიფორნიაში. მოღვაწეობა დაიწყო თეატრში 1980-იან წლებში. 2003 წლიდან არის ლონდონის თეატრ ოლდ ვიკის სამხატვრო ხელმძღვანელი. 2013 წლიდან ასრულებს ფრენკ ანდერვუდის როლს Netflix-ის პოლიტიკურ დრამატულ სერიალში ბანქოს სახლი. ამ როლისთვის მას მიღებული აქვს ოქროს გლობუსი, როგორც საუკეთესო მსახიობს სატელევიზიო დრამატულ ფილმში

ავტორი: ,

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო