ავთანდილ ბერიძე: აჭარისთვის ტექნოლოგიური უნივერსიტეტი კი არა სასტუმროა საჭირო

2015-01-15 10:54:00, 463 ნახვა

პოლიტიკა

„აჭარისთვის ტექნოლოგიური უნივერსიტეტი კი არა სასტუმროა მისაღები და საჭირო“, - ამის შესახებ აჭარის უმაღლესი საბჭოს თავმჯდომარემ ავთანდილ ბერიძემ მთავრობის ადმინისტრაციაში, მინისტრებთან და პრემიერ-მინისტრთან შეხვედრამდე ჟურნალისტებს განუცხადა.

მისი თქმით, საქართველოში იმაზე კარგი ტექნოლოგიური უნივერსიტეტი აშენდება, ვიდრე ეს ბათუმის სანაპიროზეა.

„აჭარისთვის ტექნოლოგიური უნივერსიტეტი კი არა სასტუმროა მისაღები და საჭირო, იმიტომ, რომ აჭარა კურორტული ზონაა. საქართველოში ტექნოლოგიური უნივერსიტეტი აშენდება და ის უფრო დიდი და კარგი იქნება, ვიდრე სანაპიროზე აშენებული შენობა“, - განაცხადა ავთანდილ ბერიძემ.

ავთანდილ ბერიძემ არ დაასახელა თუ რა თემებთან დაკავშირებით შეხვდება ის მინისტრთა კაბინეტს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან