ბაქოს ცენტრში მდებარე კლუბში ძლიერი აფეთქება მოხდა. დაიღუპა ერთი და დაშავდა 31 ადამიანი. 6 დაშავებულის მდგომარეობა მძიმეა, 12-ის მდგომარეობა საშუალო სიმძიმის, 6-ის - სტაბილურია.

აზერბაიჯანის გენერალური პროკურატურის ცნობით, 2022 წლის 3 აპრილს, დაახლოებით 03:00 საათზე, ბაქოს საბაილის რაიონში, ტარლან ალიარბეკოვის ქუჩაზე, 9-ში მდებარე ღამის კლუბში აფეთქება მოხდა.

„ადგილზე იმყოფებიან პროკურატურის, შინაგან საქმეთა სამინისტროს, საგანგებო სიტუაციების სამინისტროს და სხვა შესაბამისი დეპარტამენტების წარმომადგენლები. გამომძიებლები და კრიმინალისტები ახორციელებენ აუცილებელ საგამოძიებო მოქმედებებს. პირველადი ინფორმაციით, დაიღუპა ერთი და დაშავდა 31 ადამიანი. დამატებითი ინფორმაცია საზოგადოებას მიეწოდება“, - აცხადებენ გენერალურ პროკურატურაში.

საგანგებო სიტუაციების სამინისტროს ინფორმაციით, შემთხვევის ადგილზე არსებული ოპერატიული ვითარების შეფასებისას დადგინდა, რომ ღამის კლუბის მუშაობის დროს მოხდა აფეთქება, რამაც გამოიწვია ხანძარი და შენობის შიგნით ჩამონგრევა.

მეხანძრე-მაშველების დროული ჩარევის წყალობით ხანძარი უმოკლეს დროში ლიკვიდირებული იქნა. ადგილზე სამძებრო-სამაშველო სამუშაოები მიმდინარეობს.

ავტორი: ექსპრესნიუსი,

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა