იუსტიციის სამინისტროსთან ლგბტ აქტივისტების აქცია გრძელდება.როგორც "ექსპრესნიუსს" "ლგბტ საქართველოს" აღმასრულებელმა დირექტორმა დავით მიხეილ შუბლაძემ განუცხადა, აქციის ჩასატარებლად  იუსტიციის  სამინისტრო იმის გამო შეარჩიეს, რომ კანონები, რომლებიც  საქართველოშია მიღებული, რეალურად  არ სრულდება. 

მისივე თქმით, მრავალი მაგალითი შეიძლება იქნას მოყვანილი კანონის არ შესრულებასთან დაკავშირებით, განსაკუთრებით, სისხლის სამართლის კოდექსის 58-ე  პრიმა  მუხლი, რომელიც სიძულვილით მოტივირებულ დანაშაულს ეხება. 

გარდა ამისა, უფლებადამცველმა ბაია პატარაიამ "ექსპრესნიუსთან" საუბარში აღნიშნა, რომ  ტრანსგენდერებთან  დაკავშირებული პრობლემა იუსტიციის სამინისტროს მოსაგვარებელია. მისი განმარტებით, სქესის შეცვლის შემდეგ მათ არ შეუძლიათ შესაბამისი დოკუმენტაცია წესრგიში მოიყვანონ.
"ტრანსგენდერ ადამიანებს აქვთ სერიოზული პრობლემა იმასთან დაკავშირებით, რომ სქესის შეცვლის შემდეგ საბუთების წესრიგში მოყვანა უჭირთ. პრაქტიკულად, არ ხდება პირადობის მოწმობების გამოცვლა და სქესის გრაფაში შესაბამისი სქესის ჩაწერა. გარდა ამისა, სახელმწიფომ ასევე უნდა უზრუნველყოს ფუნდამენტური და კონსტიტუციური უფლება-გამოხატვის უფლება, თუმცა ჩვენ წინა წლებში  შევხედეთ, რომ ეს უფლება უზრუნველყოფილი არ არის",-განაცხადა ბაია პატარაიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს