საქართველოს პრემიერ-მინისტრი ირაკლი ღარიბაშვილი  პანკისიდან თურქეთში გადასული პირების საკითხს გამოეხმაურა, რომლებიც  ქვეყნიდან სირიაში საომრად გაემგზავრნენ.
პრემიერის თქმით, პანკისში მომხდარი ფაქტი სამწუხაროა, თუმცა  ეს საკითხი არა მხოლოდ საქართველოს პრობლემაა, არამედ მსოფლიოს აწუხებს. ღარიბაშვილის განმარტებით, მსოფლიოს ლიდერები ვერ პოულობენ გამოსავალს, თუ როგორ უნდა აღკვეთონ მოხალისეების წასვლა სირიაში.
"მე აღარ მინდა პარალელი გავავლო წინა მთავრობას შორის და ჩვენს მთავრობას შორის, თუ რა პოლიტიკა არსებობდა. მე ერთ მაგალითს შევახსენებ საზოგადოებას.ლაფანყურის სპეცოპერაცია სწორედ წინა მთავრობის უგუნური პოლიტიკის შედეგი იყო.შეიარაღებული ჯგუფები გადაადგილდებოდნენ თავისუფლად საქართველოს ტერიტორიაზე. ჩვენმა მთავრობამ მოვახერხეთ ის, რომ თუნდაც სოჭის ოლიმპიადის დროს, მთელი ეს ტერიტორია გვქონდა აბსოლუტურად გაკონტროლებული. ეს არის მთელი მსოფლიოს თავის სატკივარი.მსოფლიოს ლიდერები ვერ პოულობენ გამოსავალს, თუ როგორ უნდა მოახდინონ პრევენცია, როგორ უნდა აღკვეთონ მოხალისეების წასვლა სირიაში.კითხვა მდგომარეობს იმაში, როგორ ვერ მოხდა ამის პრევეცნია და ჩვენი მთავრობის მიერ როგორ  მოხდა 2-3 ადამიანის წასვლა, რა თქმა უნდა, ძალიან სამწუხაროა და აბსოლუტურად მიუღებელია ჩემთვის ეს და მინდა მათ ოჯახის წევრებს ვუთხრა, რომ ჩვენ ძალიან განვიცდით ამ საკითხს, მაგრამ მეორეს მხრივ, ეს არის საკითხი, რომელიც მთელ მსოფლიოს აწუხებს.საქართველო არ არის გამონაკლისი",-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება