საქართველოს პრემიერ–მინისტრმა ირაკლი ღარიბაშვილმა  9 აპრილს დაღუპულთა ხსოვნას პატივი მიაგო და მემორიალი გვირგვინით შეამკო.

როგორც პრემიერმა ჟურნალისტებს განუცხადა, 9 აპრილს დაღუპულმა თანამემამულეებმა საქართველოს გმირობის მაგალითი აჩვენეს.

„9 აპრილის ტრაგედიიდან 26 წელი გავიდა. ეს დღე იქცა მართლაც ტრაგედიად, მაგრამ ამავე დროს ეს დღე არის სიმბოლო დამოუკიდებლობისათვის, ჩვენი სამშობლოს სიყვარულისთვის ბრძოლის.  მართლაც ამ ადამიანებმა, რომლებმაც სასწაული თავგანწირვა და გმირობა გამოიჩნეს.  გვაჩვენეს  მაგალითი, თუ როგორ უნდა ვიცხოვროთ ჩვენ, როგორ უნდა შევწიროთ ჩვენ ჩვენს სამშობლოს თავი, დავიხარჯოთ ბოლომდე.  ამ ერთიანობამ გამოიღო შედეგი და 1989 წლის 9 აპრილის შემდეგ 2 წლის თავზე ჩვენმა სახელმწიფომ გამოაცხადა დამოუკიდებლობა.  ასე რომ ეს არის გამარჯვება ჩვენი ერის. ქედი ვიხრი ამ ადამიანების ხსოვნის წინაშე, მათი ოჯახების წინაშე.  ეს ადამიანები ნამდვილი გმირები არიან, ჩვენი ქვეყნის და ჩვენ ყველანი უნდა ვღებულობდეთ მაგალითს, თუ როგორ უნდა ვემსახუროთ ჩვენ სამშობლოს“, – აღნიშნა ირაკლი ღარიბაშვილმა.  

9 აპრილს დაღუპულ მამულიშვილთა მემორიალთან დილიდან მოდიან საზოგადოების წევრები, დაღუპულთა ახლობლები.  აქ იმყოფებოდა საქართველოს პრეზიდენტი  გიორგი მარგველაშვილი მეუღლესთან ერთად, პრეზიდენტის ადმინისტრაციის წარმომადგენლები, თავდაცვის მინისტრი მინდია ჯანელიძე, შს მინისტრი ვახტანგ გომელაური, ეკონომიკისა და მდგრადი განვითარების მინისტრი გიორგი კვირიკაშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი