თავდაცვის მინისტრ მინდია ჯანელიძეს  საჰაერო თავდაცვის ხელშეკრულებასთან დაკავშირებით პარლამენტში დროებითი საგამოძიებო კომისიის შექმნა არასწორად მიაჩნია. 

ამის შესახებ მან თვდაცვისა და უშიშროების კომიტეტის სხდომაზე განაცხადა, სადაც ის ანგარიშით წარსდგა. 

„მე არ მიმაჩნია სწორად, ამ საკითხზე საპარლამენტო კომისიის შექმნა“, - აღნიშნა ჯანელიძემ. 
ამ პოზიციის დაფიქსირების შემდეგ, აღნიშნული კომიტეტის თავჯდომარე ირაკლი სესიაშვილმა ჯანელიძეს შეახსენა, რომ პარლამენტში დროებითი საგამოძიებო კომისიის შექმნის გადაწყვეტილება დეპუტატების კომპეტენციაა და არა მინისტრის. 

ჯანელიძემ კი სესიაშვილს უპასუხა, რომ მან საკუთარი პოზიცია დეპუტატების ინტერესიდან გამომდინარე გამოთქვა. 

ცნობისთვის, კომიტეტის სხდომის დასრულების შემდეგ ნდობის ჯგუფის შეხვედრა გაიმართება, სადაც ერთ-ერთი განსახილველი საკითხი საჰაერო უსაფრთხოების ხელშეკრულებასთან დაკავშირებით დროებითი საპარლამენტო კომისიის შექმნაა. 

შეგახსენებთ, „თავისუფალი დემოკრატების“ ლიდერმა ირაკლი ალასანიამ რამდენიმე დღის წინ პარლამენტს მიმართა, რომ საჰაერო უსაფრთხოებასთან დაკავშრებით ხელშკერულებაზე დროებითი საგამოძიებო კომისია შეიქმნას და განიხილონ, რატომ არ მოხდა საფრანგეთში აღნიშნულ ხელშკერულებაზე ხელმოწერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი