თუ მეკითხებით იმას მე უნდა ვყოფილიყავი თუ არა, კი ბატონო, მე უნდა ვყოფილიყავი, - ამის შესახებ საქართველოს თავდაცვის მინისტრმა მინდია ჯანელიძემ თავდაცვისა და უშიშროების კომიტეტის სხდომაზე, საპარლამენტო უმცირესობის წევრის ირმა ნადირაშვილის კითხვის საპასუხოდ განაცხადა,

ნადირაშვილი დაინტერესდა, თუ რატომ არ ესწრებოდა იგი 2008 წლის ომში დაღუპული გმირების ნეშტების ფრაგმენტების დაკრძალვას.

თავდაცვის მინისტრმა აღნიშნულთან დაკავშირებით განმარტება კიდევ ერთხელ გააკეთა და ყველას სთხოვა, ამ თემით პოლიტიკურ სპეკულაციებს თავი დაანებონ.

„მე ძალიან გთხოვთ, რომ ამ თემით პოლიტიკურ სპეკულაციებს თავი დავანებოთ იმიტომ, რომ ეს არის ის თემა, რომელზეც შესაძლებელია მსგავსი სპეკუალციები. მე მინდა გითხრათ ცალსახად, რომ თითოეული ჯარისკაცი, თითოეული გმირი, რომელმაც შესწირა ჩვენს ქვეყანას თავი, არის ძვირფასი ჩვენთვის. ნუ იფიქრებთ, რომ ჩვენზე მეტად შესტკივა ვიღაცას გული ან დაღუპულ ჯარისაკცებზე ან მათ ოჯახებზე ან დაჭრილ ჯარისკაცებზე. ჩვენი პატივს მივაგებთ მათ ხსოვნას, მათ ოჯახებს, მაგრამ ეს არ არის აფიშირების საგანი. რაც შეეხება კონკრეტულ ღონისძიებას, ამ ღონისძიების ფორმატი იყო შემუშავებული მშობლების, სასულიერო პირების და ასე ვთქვათ, სამხედრობის მონაწილეობით. ეს ღონისძიება ითვალისწინებდა პანაშვიდის გადახდას, თუმცა თუ მეკითხებით იმას მე უნდა ვყოფილიყავი თუ არა, კი ბატონო, მე უნდა ვყოფილიყავი. უბრალოდ მოხდა ისე, რომ მინისტერიალის თარიღმა გადმოიწია, დაინიშნა 2 აპრილს ჩვენი კოლეგების თხოვნით. აქედან გამომდინარე, ჩემდა სამწუხაროდ ვერ მოვახერხე, თუმცა სამინისტრო ღირსეულად იყო წარმოდგენილი ამ ღონისძიებაზე, მოადგილის სახით, გენერალური შტაბის ხელძღვანელობის სახით“, - განაცხადა მინდია ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი