დედაქალაქის მერის გადადგომის მოთხოვნით, თბილისის საკრებულოსთან რამდენიმე არასამთავრობო ორგანიზაცია  აქციას მართავს. დავით ნარმანიას ამწუთებში საკრებულოს სხდომაზე უსმენენ. საკრებულოსთან შეკრებილებმა მერს ხმაურიანი დახვედრა მოუწყვეს და საარჩევნო დაპირებები შეახსენეს.

ადგილზე მივიდნენ პარტიზანი მებაღეებიც, რომლებმაც  მოჭრილი ნაძვის ტოტები მიიტანეს. მათი თქმით, ბოლო 2 დღის განმავლობაში, იპოდრომის ტერიტორიაზე ხეები ინტენსიურად იჩეხება. საკრებულოში შესვლამდე დავით ნარმანიამ აქციის მონაწილეების შეკითხვებს არ უპასუხა და მხოლოდ მცირე კომენტარით შემოიფარგლა:

"დანაპირებზე საუბარი მექნება საკრებულოს სხდომაზე და 1 მილიონი ხე დაირგვება აუცილებლად",-აღნიშნა  დავით ნარმანიამ.

"ხეები, რომლებიც ჩვენ აქ გვაქვს,  გახლავთ იპოდრომიდან მოტანილი. ისინი 2 დღის განმავლობაში გაიჩეხა.  ეს არის  40-50 წლოვანი ხეები.მერია მილიონი ხის დარგვას დაგვპირდა და ჯერჯერობით მილიონ ხეს მხოლოდ ჭრიან",-განაცხადა აქციის ერთ-ერთმა მონაწილემ.
თბილისის საკრებულოსთან აქციის მონაწილეები ამ დრომდე რჩებიან. ადგილზე მობილიზებულია საპატრულო პოლიცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი