2015-04-02 10:44:21, 336 ნახვა
პოლიტიკა
ზურაბ აბაშიძე: ევროპა ცალსახად ურჩევს საქართველოს აბაშიძე-კარასინის ფორმატის გაგრძელებას
„ევროპა ცალსახად ურჩევს საქართველოს აბაშიძე-კარასინის ფორმატის გაგრძელებას“,-ამის შესახებ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ ბრიუსელში საქართველო -ევროკავშირის სტრატეგიული დიალოგის მოლაპარაკებების შემდეგ განაცხადა.
მისივე თქმით, ბრიუსელში საუბრის ძირითადი თემა რუსულ-ქართული ურთიერთობები იყო.
„ჩვენი ევროპელი კოლეგები ძალიან ყურადღბითა და გაგებით ადევნებენ თვალს აბაშიძე-კარასინის ფორმატს. მათი ცალსახა რჩევაა, რომ ეს დიალოგი აუცილებლად უნდა გაგრძელდეს, რაოდენ რთულიც არ უნდა იყოს ვითარება, რაოდენ პრობლემატური არ უნდა იყოს ზოგადად პოლიტიკური ფონი. დიპლომატიური არხების საშუალებები მაქსიმალურად უნდა გამოვიყენოთ, ასეთი მათი რეკომენდაცია“,-განაცხადა ზურაბ აბაშიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
