საქართველოს პრეზიდენტი გიორგი მარგველაშვილი გაერო-სთან აკრედიტებულ მუდმივ წარმომადგენლებს  შეხვდა.

პრეზიდენტის პრესსამსახურის ინფორმაციით, მხარეებმა შეხვედრისას ორმხრივი და მრავალმხრივი თანამშრომლობის აქტუალური საკითხები განიხილეს, ასევე საუბარი შეეხო  ეკონომიკური ურთიერთობების განვითარების პერსპექტივებს.

"ჩვენ ვხვდებით იმ ქვეყნების ელჩებს გაეროში, რომელთაც ჯერ არ აქვთ წარმომადგენლობა საქართელოში. ჩვენ გვაქვს მათთან დიპლომატიური ურთიერთობა, მაგრამ ჯერ არც საქართველოს აქვს იმ ქვეყნებში წარმომადგენლობა და არც მათ საქართველოში. შესაბამისად, უმნიშვნელოვანესია, რომ ამ ურთიერთობის დროს ჩვენ წამოვწიოთ ის მთავარი საკითხები, რაც უკავშირდება საქართველოს ცნობადობას, საქართველოს პრობლემატიკას, გლობალურად მნიშვნელობას არაღიარების პოლიტიკის გაღრმავებისა. მიმაჩნია, რომ ამ შეხვედრის შედეგები აისახება ჩვენს საგარეო იმიჯზე", - განაცხადა გიორგი მარგველაშვილმა.

პრეზიდენტთან შეხვედრას გაერო-ში  შემდეგი ქვეყნების ელჩები დაესწრნენ: გვინეის, გრენადის, იამაიკის, კაბო-ვერდეს, ტიმორ-ლესტეს, ტონგას  და უგანდას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი