ე.წ. მეტრომშენის კორპუსებიდან სოციალურად დაუცველებს იძულებით გამოსახლებას უპირებენ

2015-03-27 14:08:44, 377 ნახვა

საზოგადოება

ლოტკინზე, ზღვის უბნის ე.წ. მეტრომშენის კორპუსებში მცხოვრებ სოციალურად დაუცველ ოჯახებს კორპუსის მეპატრონეები იძულებით გამოსახლებას უპირებენ.

ამის შესახებ „ექსპრესნიუსს“ ე.წ. მეტრომშენის კორპუსში მცხოვრებმა თამარ ცუცქირიძემ განუცხადა.
როგორც „ექსპრესნიუსსთან“ საუბრისას ცუცქირიძემ აღნიშნა, მეტრომშენის კორპუსის მეპატრონეები სატვირთო მანქანებითა და ჩაქუჩებით არიან მისულები.

„მეტრომშენის კორპუსებიდან ჩვენ იძულებით გამოსახლებას გვიპირებენ. მეტრომშენის ხალხი მოსულია ჩაქუჩებით, მათი მხრიდან ძალადობას აქვს ადგილი. დაწყებულია ადმინისტრაციული საქმე, სამართალდამცავმა ორგანოებმა, მერიამ და საერთოდ ყველამ იცის, რომ შეჩერებულია ჩვენი გამოსახლება. საქმე იმაზე მეტად რთულად არის ვიდრე წარმოგიდგენიათ“,-განაცხადა თამარ ცუცქირიძემ.

შეგახსნებთ, რომ ზღვის უბნის დასახლებაში მეტრომშენის ე.წ. კორპუსებში 110 სოციალურად დაუცველი 2006 წლიდან ცხოვრობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან