ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე ლიტვის რესპუბლიკის საგარეო საქმეთა ვიცე-მინისტრს ანდრიუს კრივასს შეხვდა. 

სახელმწიფო მინისტრის აპარატის ინფორმაციით, დავით ბაქრაძემ ლიტვის მხარეს მადლობა გადაუხადა საქართველოს ტერიტორიული მთლიანობისა და სუვერენიტეტის, ასევე, ევროპულ და ევროატლანტიკურ სტრუქტურებში ინტეგრაციის პროცესში ურყევი მხარდაჭერისათვის. 
უწყების ცნობით, შეხვედრაზე მხარეებმა განიხილეს საქართველოს ევროპული და ევროატლანტიკური ინტეგრაციის პროცესი, კერძოდ, რიგის აღმოსავლეთ პარტნიორობის სამიტის მოლოდინები. დავით ბაქრაძემ ლიტვურ მხარეს გააცნო ასოცირების შესახებ შეთანხმებისა და ვიზა ლიბერალიზაციის სამოქმედო გეგმების განხორციელების საკითხები და ხაზგასმით აღნიშნა, რომ საქართველო რიგის სამიტზე შესრულებული ვალდებულებებით წარსდგება. სახელმწიფო მინისტრმა იმედი გამოთქვა განხორცილებული რეფორმების დადებითი შეფასებისა და უვიზო მიმოსვლის შესახებ ევროკავშირის საბჭოსთვის რეკომენდაციის მიცემის თაობაზე. დავით ბაქრაძემ ასევე, აღნიშნა რიგის სამიტზე საქართველოს, მოლდოვისა და უკრაინისთვის ევროპული პერსპექტივის მინიჭების მნიშვნელობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა