2016 წლის პირველი 6 თვის განმავლობაში, ავღანეთში მოსახლეობაზე რეკორდული რაოდენობის თავდასხმები განხორციელდა, - ამის შესახებ BBC ავღანეთში გაერო-ს მისიის განცხადებაზე დაყრდნობით იუწყება.

გაერო-ს ანგარიშის თანახმად, 2016 წლის დასაწყისიდან ავღანეთში 1 600 ადამიანი დაიღუპა, აქედან 388 ბავშვია, ხოლო 3 500-ზე მეტი დაშავდა. ეს 2009 წლის შემდეგ ყველაზე დიდი მაჩვენებელია.

მათივე მონაცემებით, 2009 წლის 1 იანვრიდან 2016 წლის 30 ივნისამდე ავღანეთში თავდასხმების შედეგად 64 000 ადამიანი დაშავდა, საიდანაც 23 000-მდე დაიღუპა, 41 000-მა კი სხვდასხვა სიმძიმის დაზიანებები მიიღო.

გაერო-ს ანგარიშის მიხედვით, ყველა ეს ადამიანი მშვიდბიანი საქმიანობის დროს დაიღუპა.

აღსანიშნავია, რომ ავღანეთში მშვიდობიან მოსახლეობაზე თავდასხმა ხშირი მოვლენაა. ბოლო ასეთი შემთხვევა 23 ივლისს მოხდა, როდესაც ქაბულში შიიტი ხაზარების აქციაზე თვითმკვლელმა ტერორისტმა თავი აიფეთქა.

ტერაქტის შედეგად 80-ზე მეტი ადამიანი გარდაიცვალა, ხოლო 230 ადამიანი დაშავდა.

მომხდარზე პასუხისმგებლობა “ისლამურმა სახელმწიფომ” აიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი