თურქეთში სამხედრო გადატრიალების მცდელობასთან შესაძლო კავშირის გამო, პრეზიდენტ რეჯეპ ტაიპ ერდოღანის დაცვის 283 წევრი დააკავეს, - ამის შესახებ ინფორმაციას CNN Turk-ი ავრცელებს.

როგორც CNN Turk-ი წერს, პრეზიდენტის გვარდია, რომელიც 2 500 სამხედროსგან შედგება, ანკარაში პრეზიდენტის სასახლეშია დისლოცირებული.

მედიის ცნობით, გვარდიის 300 წევრის დაკავების ორდერი გაცემულია. ამ დროისთვის დააკავეს ის ნაწილი, რომელიც ქალაქში იმყოფებოდა.

თურქეთის ვიცე-პრემიერის ნურეთინ ჯანიქლიმის განცხადებით, თითქმის 60 ათასი ადამიანის დაკავება და სამსახურიდან გატავისუფლება "მხოლოდ აისბერგის წვერვალია".

მისივე თქმით, ამბოხთან დაკავშირებული ადამიანების დაკავება გრძელდება.

შეგახსენებთ, რომ თურქეთში სამხედრო გადატრიალების მცდელობა იყო, რის შედეგადაც 290-ზე მეტი ადამიანი გარდაიცვალა, 1 400-ზე მეტი კი დაშავდა.

თურქეთის მთავრობა სიკვდილით დასჯის კანონის მიღებას ისევ განიხილავს, რასაც ნატო-სა და ევროკაშირის ქვეყნების ლიდერები გმობენ და ნეგატიურად აფასებენ.

21 ივლისს თურქეთმა სამთვიანი საგანგებო მდგომარეობის გამო ადამიანის უფლებათა ევროპული კონვენციის შეჩერების გადაწყვეტილება მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო