იემენის სამხრეთ ნაწილში, მუკალას პორტში “ისლამური სახელმწიფოს” წევრმა თავი აიფეთქა, რასაც პოლიციის 41 კურსანტი ემსხვერპლა, - ამის შესახებ Sky News Arabia იუწყება.

მედიის ინფორმაციით, დაშავებულთა რიცხვი 60-ს აღემატება. მთავრობის წარმომადგენელთა ინფორმაციით, სულ ორი აფეთქება მოხდა. თავდასხმის სამიზნეს უსაფრთხოების სამსახურის უფროსი წარმოადგენდა, რომელიც ტერაქტს გადაურჩა, თუმცა დაიღუპა მისი დაცვის ექვსი წევრი.

ცნობისთვის, მუკალა ცოტა ხნის წინ სამთავრობო ძალების კონტროლის ქვეშ გადავიდა.

იემენში მთავრობასა და ჰუსიტ ამბოხებულებს შორის სამშვიდობო მოლაპარაკებები მიმდინარეობს. ქვეყანაში სამხედრო კონფლიქტი უკვე ერთ წელზე მეტია, გრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასკოლო ფორმების დიზაინი ცნობილია

ახალგორის რაიონში გახშირდა ჩხრეკები და მობილური ტელეფონების ჩამორთმევის ფაქტები - DRI

PSP-ში K-Beauty გათამაშებაში 1000 პრიზთან ერთად შეგიძლიათ მოიგოთ სამოგზაურო ტური სამხრეთ კორეაში!

პოლიციამ 107 შეკვრად დაფასოებული ნარკოტიკი ამოიღო - დაკავებულია 2 პირი