„საქართველოს პრეზიდენტის პრინციპული პოზიციაა, რომ პოლიტიკური კონსულტაციები და კულუარული შეთანხმებები უზენაესი სასამართლოს კანდიდატებთან დაკავშირებით არ გაიმართება", - აღნიშნული კომენტარი დღეს ჟურნალისტებთან საუბრისას საქართველოს პრეზიდენტის მრჩეველმა ადამიანის უფლებებისა და მართლმსაჯულების საკითხებში კახა კოჟორიძემ გააკეთა.

კახა კოჟორიძის განცხადებით, უზენაესი სასამართლო უნდა იყოს არბიტრი და შესაბამისად, ის პოლიტიკაში არ უნდა ჩაერთოს.  ამიტომ პრეზიდენტის მიერ დასახელებულ უზენაესი სასამართლოს კანდიდატებზე შეთანხმება არ უნდა იყოს პოლიტიკური პროცესის, თუ  კულუარული, პოლიტიკური შეთანხმებების და კონსულტაციების საგანი.

„ჩემთვის მართლაც გაუგებარია, უმრავლესობის წარმომადგენლების მოთხოვნა კანდიდატურებზე კონსულტაციების გამართვასთან დაკავშირებით. გაუგებარია იმიტომ, რომ კანდიდატები პრეზიდენტის მიერ უკვე დასახელებულია და მეორე, იმიტომ რომ, ამ კანდიდატთან დაკავშირებით პარლამენტში, საკომიტეტო განხილვები უკვე დასრულებულია", - განაცხადა კახა კოჟორიძემ

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა