საქართველოს უნივერსიტეტის სტუდენტური ტელევიზიის გადაცემა „ორიენტირი“ შეიარაღებულ ძალებში გაწვევის თემას დაეთმო. გადაცემის ერთ-ერთი სტუმარი საქართველოს შეიარაღებული ძალების საწყისი საბრძოლო მომზადების ცენტრის მეთაური, პოლკოვნიკი მამუკა ქავთარაძე იყო. მან გადაცემის მაყურებელსა და დამსწრე აუდიტორიას საკონტრაქტო სამსახურის შესახებ ინფორმაცია მიაწოდა. ისაუბრა საკონტრაქტო სამსახურიში მოსახვედრად გასავლელ ეტაპებზე, ანაზღაურებასა და სხვა მნიშვნელოვან დეტალებზე.

პოლკოვნიკმა ქავთარაძემ აუდიტორიის შეკითხვებსაც უპასუხა და დამსწრე სტუდენტებს საკონტრაქტო სამსახურთან დაკავშირებით საქართველოს თავდაცვის სამინისტროს მიერ მომზადებული დოკუმენტური ვიდეორგოლები აჩვენა.

პოლკოვნიკ მამუკა ქავთარაძესთან ერთად გადაცემაში ინფრასტრუქტურის სამინისტროს მობილიზაციისა და სამხედრო სამსახურში გაწვევის კოორდინაციის დეპარტამენტის უფროსი გოჩა ხარშილაძე და პოლიტიკური ცენტის „გირჩის“ წარმომადგენელი გუგა ჩაფიჩაძე მონაწილეობდნენ. მათ სავალდებულო სამსახურის მნიშვნელობასა და იმ საკანონმდებლო ინიციატივაზე ისაუბრეს, რომლიც ჯარში სავალდებულო გაწვევის გაუქმებას ეხება. გადაცემას ასევე სტუმრობდა ყოფილი სამხედრო მოსამსახურე, უფროსი სერჟანტი ალექსანდრე ყარალაშვილი, რომელიც საქართველოს შეიარაღებულ ძალებში 2013-14 წლებში მსახურობდა და ავღანეთის სამშვიდობო მისიაშიც მონაწილეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

WSJ: აშშ-სა და ისრაელის დაბომბვებმა ირანს ბირთვული ბომბის შექმნის შესაძლებლობა არ წაართვა

ორბანი და უნგრეთის საგარეო საქმეთა მინისტრი სიიარტო არჩევნებში დამარცხების შემდეგ საზოგადოების თვალთახედვიდან გაუჩინარდნენ

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით