ინტერპოლმა კუდ-ის ყოფილი მაღალჩინოსნის, დათა ახალაიას მიმართ საერთაშორისო ძებნა შეწყვიტა.

ამის შესახებ ინფორმაციას ბაჩო ახალაიას მეუღლე ანი ნადარეიშვილი სოციალურ ქსელში წერს.

"ინტერპოლმა დათა ახალაიას ძებნა შეწყვიტა იმ მოტივით, რომ მის მიმართ პოლიტიკური ნიშნით დევნა მიმდინარეობს" - წერს ნადარეიშვილი Facebook.

„ექსპრესნიუსმა“ ეს ინფორმაცია ინტერპოლის საიტზე გადაამოწმა. დათა ახალაია ინტერპოლის ძებნილთა სიაში აღარ იძებნება.

ცნობისთვის, დათა ახალაია საქართველოში რამდენიმე სისხლის სამართლის საქმეზეა ბრალდებული და დაუსწრებლად პატიმრობა აქვს მისჯილი.

ახალაია საბერძნეთში იყო დაკავებული, რომელიც იტალიიდან ყალბი სახელის გამოყენებით საბერძნეთში შესვლას ცდილობდა. ახალაია 100 ათასი ევროს გირაოს სანაცვლოდ გაათავისუფლეს. საბოლოოდ კი, საბერძნეთის სასამართლომ გაამართლა.

ამ თემაზე საქართველოს მთავარ პროკურატურაში კომენტარს ჯერჯერობით არ აკეთებენ. საზოგადოებასთან ურთიერთობის სამსახურში გვითხრეს, რომ თუ კომენტარი გაკეთდება შეგვატყობინებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო