ევროკავშირი გაეროს წევრ ქვეყნებს რუსეთის წინააღმდეგ სანქციების დაწესებისკენ მოუწოდებს, - ამის შესახებ რუსული მედია ევროკომისიის ვიცე-პრეზიდენტის ფედერიკა მოგერინის განცხადებაზე დაყრდნობით იტყობინება.

როგორც ფედერიკა მოგერინის განცხადებაშია ნათქვამი, ევროკავშირი უკრაინის ტერიტორიულ მთლიანობას და სუვერენიტეტს კვლავ მტკიცედ მხარს უჭერს და ყირიმს რუსეთის ნაწილად არ აღიარებს.

"ევროკავშირი კიდევ ერთხელ ადასტურებს ფაქტს, რომ ყირიმი რუსეთის ნაწილი არ არის და თვლის, რომ ეს საერთაშორისო სამართლის ნორმების დარღვევაა. ეს საერთაშორისო უსაფრთხოების პირდაპირი გამოწვევაა, რის შედეგადაც სამართლებრივი წესრიგი კითხვის ნიშნის ქვეშ დგება.  ყველა სახელმწიფოს სუვერენიტეტი და ტერიტორიული მთლიანობა საფრთხის წინაშე დგება", - ნათქვამია განცხადებაში.

ამავდროულად, აღსანიშნავია, რომ ევროკავშირი არაღიარების პოლიტიკის განხორციელებას განაგრძობს და ეს აღკვეთითი ღონისძიებებითაც გამოვლინდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა