2025-01-09 20:43:03, 534 ნახვა
საზოგადოება
რუსთაველის გამზირზე აქციის მონაწილეები იკრიბებიან – პროტესტი 43-ე დღესაც გრძელდება
9 აპრილის მემორიალთან, რუსთაველის გამზირზე, მიმდინარე აქციაზე მოქალაქეები იკრიბებიან.
დემონსტრანტებმა აქციის დაწყებამდე წუთიერი დუმილით პატივი მიაგეს ოკუპირებული გალის, სოფელ საბერიოში ხანძრის შედეგად ტრაგიკულად დაღუპული ხუთი მცირეწლოვანი ბავშვის ხსოვნას.
მომიტინგეები საკანონმდებლო ორგანოსთან გზის გადაკეტვას ცდილობენ, თუმცა საპოლიციო კორდონი მათ ამის საშუალებას არ აძლევს. პარლამენტის ტერიტორიაზე საპატრულო პოლიცია მობილიზებულია.
აღსანიშნავია, რომ პროტესტი უკვე 43-ე დღესაც გრძელდება. მომიტინგეების მთავარი მოთხოვნა რჩება ახალი არჩევნების ჩატარება და აქციების პერიოდში დაკავებული პირების გათავისუფლება.
ავტორი: ექსპრესნიუსი,
epn.ge (@expressnews.ge)
