აშშ-ის დაზვერვის ხელმძღვანელმა ჯეიმს კლაპერმა განაცხადა, რომ აშშ-ის მთავრობის სააგენტოზე (რომელიც მილიონობით ამერიკელის შესახებ პერსონალურ ინფორმაციას ინახავს) მოწყობილ თავდასხმაში ჩინეთი მთავარი ეჭვმიტანილია.

კლაპერი ყველაზე მაღალი რანკის ჩინოვნიკია იმ პირთა შორის, ვინც მსგავსი ბრალდება ჩინეთს წაუყენა.

„ჩინეთი მთავარ ეჭვმიტანილად რჩება, თუმცა აშშ-ის მთავრობა აგრძელებს გამოძიებას.“ - განაცხადა ჯეიმს კლაპერმა ვაშინგტონში გამართულ კონფერენციაზე. ჩინეთი ყოველგვარ ბრალდებას უარყოფს.

შეგახსენებთ, რომ 5 ივნისს, პერსონალური მენეჯმენტის სააგენტოზე მოწყობილი ჰაკერული თავდასხმის შედეგად გაკეთდა განცხადება, რომ დაახლოებით 4 მილიონი დასაქმებული ადამიანის პერსონალური ინფორმაცია კომპრომიზირებული იყო. ანალოგიური თავდასხმა აღნიშნულ სააგენტოზე 2014 წელსაც განხორციელდა და ეჭვმიტანილად მაშინაც ჩინეთი დასახელდა, თუმცა ბრალდების დამტკიცება ვერ მოხერხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვიქტორ ორბანმა უნგრეთში საპარლამენტო არჩევნებში დამარცხება აღიარა

ორბანის ოპოზიცია გამანადგურებელ გამარჯვებას აღწევს

უნგრეთში ხმებს ითვლიან, ლიდერობს ოპოზიციური Tisza

უნგრეთში ხმის მიცემა შეწყდა, ამომრჩეველთა აქტივობა 77.80% იყო, რაც აბსოლუტური რეკორდია ქვეყნის ისტორიაში