„მოსახლეობა მაქსიმალურად ყურადღებით უნდა იყოს“, –ამის შესახებ მერიის ეკოლოგიისა და გამწვანების სამასხურის უფროსმა ბიძინა გიორგობიანმა განაცხადა.

მან მოსახლეობას მოუწოდა, პანიკას არ აყვნენ და თხოვნით მიმართა, რომ სტიქიის შედეგად ზოოპარკიდან გაქცეულ ცხოველებთან დაკავშირებით ცრუ ინფორმაცია არ გაავრცელონ.

„მოსახლეობა უნდა იყოს მაქსიმალურად ყურადღებით, პანიკა საჭირო არ არის და თუ იქნება შეტყობინება გაკეთებული, ჩვენ მადლობლები დავრჩებით. ეს ცრუ განგაშები და ცრუ ინფორმაციები მინდა ომ რამენაირად შეწყდეს“, – აღნიშნა გიორგობიანმა.

მისივე მტკიცებით, ამ პერიოდში მერიასა და ცენტრალურ ხელისუფლებას შორის კომუნიკაციის პრობლემა არ ყოფილა.

„არანაირი პრობლემა კომუნიკაციის ცენტრალურ ხელისუფლებასთან არ ყოფილა. მერია ამ შემთხვევაში ძალიან ოპერატიულად და კარგად მუშაობდნენ. ტრაგედიია, რომელიც დღეს დატრიალდა, არანაირ საფუძველს არ ქმნის, რომ რაღაც კომუნიკაცია არ არსებობდა, ან ვერ მუშაობდა. ეს ვეფხვი, რომელიც ზოოპარკის თანამშრომლებმა ჩათვალეს, როდესაც პირველ დღეს გამოიტანეს ლეშები - რომ მკვდარი იყო, აღმოჩნდა რომ ცოცხალი ყოფილა და ერთ-ერთ სარდაფში შემალული. ის, რომ ეს ტრაგედია იქცეს ანგარიშსწორებად არ არის საჭირო  ამ ტრაგედიის კიდევ უფრო დამძიმება და რაღაც სკალპების მოთხოვნა“, – აღნიშნა გიორგობიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო