საქართველოს იუსტიციის სამინისტროს სსიპ „დანაშაულის პრევენციის ცენტრის“  ყოფილ პატიმართა რესოციალიზაციისა და რეაბილიტაციის სამმართველოს სოციალური მუშაკებისთვის სამართალში სამდღიანი ტრენინგი ჩატარდა. ტრენინგი მედიაციის სახლში გაიმართა.

სემინარების ფარგლებში მსმენელებს მიეწოდათ ინფორმაცია სამართლიდან იმ მნიშვნელოვნაი საკითხების შესახებ, რომლებიც მათ  პრაქტიკულ საქმიანობაში სჭირდებათ. ასევე, გაეცნენ სამართლის ზოგად პრინციპებს, დარგებს და სისტემებს. განსაკუთრებული ყურადღება დაეთმო სისხლის სამართალს. სოციალური მუშაკები სისხლის სამართლის მატერიალური ნაწილიდან გაეცნენ სისხლის სამართლის პრინციპებს, კოდექსის ზოგად ნაწილს, ქმედების დანაშაულად კვალიფიკაციის საკითხებს, სასჯელებს და მათ დანიშვნას. სემინარების მონაწილეებმა მიიღეს ინფორმაცია პრაქტიკაში ხშირად ჩადენილი ცალკეული დანაშაულების შესახებ. სოციალური მუშაკები გაეცნენ სისხლის სამართლის პროცესიდან დანაშაულის შესახებ ინფორმაციის მიღებიდან განაჩენის გამოტანამდე პროცედურებს და განაჩენის გასაჩივრების წესებს, სისხლის სამართლის პროცესის პრინციპებსა და პროცესის მონაწილეთა უფლებებსა და მოვალეობებს.

როგორც დანაშაულის პრევენციის ცენტრში აცხადებენ, სოციალურ მუშაკებს, ტრენინგზე მიღებული ცოდნა, დაეხმარებათ უფრო ეფექტურად განახორციელონ პრაქტიკული საქმიანობა.

ტრენინგს უძღვებოდა იურისტი, სისხლის სამართლის სპეციალისტი ლადო ჯავახიშვილი. იუსტიციის სამინისტროს დანაშაულის პრევენციის ცენტრი „ყოფილ პატიმართა რეაბილიტაციისა და რესოციალიზაციის პროგრამას“ ახორციელებს. ტრენინგს დანაშაულის პრევენციის ცენტრის 20-მდე სოციალური მუშაკი დაესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად