„ეკომიგრანტი ოჯახების საცხოვრებლით უზრუნველყოფის“ პროგრამის ფარგლებში საცხოვრებელ ფართს თანადაფინანსებით კიდევ ხუთი ოჯახი შეიძენს.

აღნიშნულთანთან დაკვშირებით გადაწყვეტილება შერეული სამთავრობო კომისიის წევრებმა სხდომაზე მიიღეს.

აჭარის ჯანდაცვის სამინისტროს ინფორმაციით, სტიქიის შედეგად დაზარალებულ ოჯახებს საცხოვრებელი უახლოეს პერიოდში დაურეგისტრირდებათ.

სხდომაზე კომისიის წევრებმა ხელვაჩაურისა და ხულოს მუნიციპალიტეტების მერიებიდან წარმოდგენილი შუამდგომლობებიც განიხილეს, რომელიც ითვალისწინებდა პროგრამაში 30 ეკომიგრანტი ოჯახის ჩართვას.

„კომისიამ დადებითი გადაწყვეტილება 16 ოჯახთან დაკავშირებით მიიღო. მათ გაეგზავნებათ შეთავაზების წერილი საცხოვრებელი ფართის მოძიების მიზნით, დანარჩენი ოჯახების მდგომარეობას სამუშაო ჯგუფი ადგილზე შეისწავლის. კომისიის გადაწყვეტილებით, ორი ეკომიგრანტი ოჯახის მდგომარეობის დამატებითი შესწავლის მიზნით გაეგზავნება შუახევისა და ხულოს მუნიციპალიტეტების მერიებს“, - აცხადებენ სამინისტროში.

აჭარის ჯანდაცვის სამინისტრო „ეკომიგრანტი ოჯახების საცხოვრებლით უზრუნველყოფის პროგრამას“ 2016 წლიდან ახორციელებს. პროგრამა თანადაფინანსებით ხორციელდება, თითოეულ ოჯახზე გათვალისწინებულია 25 000 ლარი. გასულ წელს პროგრამის ფარგლებში საცხოვრებელი ფართი 111-მა ეკომიგრანტმა ოჯახმა შეიძინა.

(NS)

ავტორი: ,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო