ოკუპირებულ აფხაზეთში თურქეთის მოქალაქე, თევზსაჭერი გემის კაპიტანი სელიმ კაია გაიტაცეს, - ამის შესახებ Sputnik-Abkhazia იუწყება.

მედია საშუალების ინფორმაციით, გატაცების ფაქტი ოჩამჩირეში, გუშინ საღამოს, 20:45 საათზე მოხდა.

„საღამოს, დაახლოებით 20:45 საათზე თურქული თევზსაჭერი გემის კაპიტანი კაფეში იმყოფებოდა. როდესაც მან წასვლა დააპირა, ერთ-ერთ ადგილობრივს პორტამდე მანქანით მიყვანა სთხოვა. რამდენიმე მეტრში ისინი ორმა შეიარაღებულმა ნიღბიანმა გააჩერა, მძღოლი ავტომობილიდან გადმოიყვანეს, თვითონ კი, მანქანაში ჩასხდნენ და გემის კაპიტანთან ერთად წავიდნენ“, - განაცხადა ოჩამჩირეს რაიონის ე.წ. ხელმძღვანელის "მოადგილემ", სლავიკ კუჩუბერიამ.

მისივე ინფორმაციით, მთელი ღამის განმავლობაში სამძებრო ღონისძიებები მიმდინარეობდა. მანვე დასძინა, რომ დღეს დილით, ავტომობილი გალი-ოჩამჩირის ტრასაზე იპოვეს და სატრანსპორტ საშუალების საქარე მინაზე ტყვიის კვალი იყო.

"სისხლის კვალი არსად ფიქსირდება", - დასძინა მან. საქმეს ოკუპირებული რეგიონის დე-ფაქტო უწყება იძიებს.

ავტორი: ,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო