პრეზიდენტის მრჩეველი საგარეო პოლიტიკის საკითხებში თენგიზ ფხალაძე მიიჩნევს, რომ სანამ რუსეთის ფედერაცია საქართველოსთან მიმართებაში პოლიტიკას არ შეცვლის და ურთიერთობის დარეგულირების კუთხით, მზადყოფნას არ გამოთქვამს, ორი ქვეყნის პრეზიდენტების შეხვედრაზე საუბარი ნაადრევია.
ჟურნალისტის კითხვაზე- ბელარუსის პრეზიდენტთან გაფართოებულ შეხვედრზე ხომ არ იყო რაიმე გზავნილი საქართველოსა და რუსეთის პრეზიდენტების შეხვედრის თაობაზე, ფხალაძემ განაცხადა, რომ "სანამ რუსეთის მრიდან არ იქნება პოლიტიკური ნება,  რომ გადაიდგას  ნაბიჯი  დეოკუპაციისკენ, დევნილების დაბრუნებისაკენ და ა.შ. მანამდე შუამავალს აზრი არ აქვს".
"მოდით შევხედოთ რეალურად, როდის ხდება შეხვედრა, როდესაც ამისთვის არსებობს პოლიტიკური ნება  და მზადყოფნა ყველა მხარის მხრიდან. სამწუხაროდ, დღევანდელ დღეს, რუსეთის ფედერაციის პოზიცია საქართველოსათან მიმართებაში არის რადიკალურად განსხვავებული იმისგან,  თუ როგორ წარმოგვიდგენია ჩვენ ჩვენი პრობლემების გადაწყვეტა.როგორ წარმოგვიდგენია ჩვენ  ტერიტორიული მთლიანობის საკითხის გადაწყვეტა, დეოკუპაციის საკითხის გადაწყვეტა. მთავარი ამოცაანა ახლა საერთაშორისო თანამეგობრობის ძალისხმევით  მოვახერხოთ ის, რომ რაიმე ფორმით, დიპლომატიური გზებით მივიყვანოთ საკითხი მომწიფებამდე,  სანამ საკითხი მომწიფებული არ იქნება,  ვერანაირი  შუამავალი ვერ მოამზადებს შეხვედრას გამომდინარე იქედან,  რომ თუ არ  არსებობს პოლიტიკური ნება,  რომ გადაიდგას პოლიტიკური  ნაბიჯი, მაგალითად დეოკუპაციისკენ, მაგალითად დევნილების დაბრუნებისაკენ,  ან სხვა რაიმე ნაბიჯისკენ, რომელიც საქართველოსთვის მნიშვნელოვანი იქნება და რომელიც საქართველოს აზრით, რეალურად წაადგება პრობლემების მოგვარებას, მანამდე შუამავალს აზრი არ აქვს. აქედან გამომდინარე, რომელ გზავნილზე მელაპარაკებით. შეუძლებელია დღეს არსებობდეს,  კარგი იქნება რომ არსებობდეს ასეთი პოლიტიკური ნება  რუსეთის ფედერაციის მხრიდან,  რომ გადაიდგას რაიმე ნაბიჯი,  რაც რეალურად დაეხმარება არსებული პრობლემის გადაწყვეტას, მაგრამ  სამწუხაროდ დღევანდელ დღეს ჩვენი ხედვები რადიკალურად განსხვავებულია",-განაცხადა თენგიზ ფხალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი