საქართველოში, ბიძინა ივანიშვილის დაფინანსებით კავკასიაში უნიკალური საუნივერსიტეტო კომპლექსი აშენდება, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს თემის კომენტირებისას განუცხადა. 

პრემიერის ინფორმაციით, პროექტის დეტალებსა და მასშტაბებზე ფონდი "ქართუ" მოგვიანებით ისაუბრებს. 

"გარწმუნებთ, ეს იქნება 10-ჯერ და 20-ჯერ უკეთესი, ვიდრე იყო სააკაშვილის მიერ ჩაფიქრებული პროექტი. ბატონი ბიძინა ივანიშვილი აპირებს, ააშენოს მრავალ ათეულ მილიონიანი უნივერსიტეტი საქართველოში, თავისი კამპუსით, რომელიც იქნება უნიკალური კომპლექსი",- განაცხადა პრემიერმა და აღნიშნა, რომ ბათუმში უფუნქციოდ დარჩენილი შენობა გაიყიდება.

მთავრობის მეთაურის ინფორმაციით, ბათუმში მდებარე შენობა თავდაპირველად ბანკისთვის იყო განკუთვნილი, თუმცა ყოფილმა პრეზიდენტმა მოგვიანებით მისთვის ფუნქციის შეცვლა მოინდომა.
პრემიერ-მინისტრი მიხეილ სააკაშვილის განცხადებებს ამ თემაზე, საზოგადოების შეცდომაში შეყვანის მცდელობად აფასებს და მიიჩნევს, რომ აბსურდულ განცხადებებზე კომეტარის გაკეთება არასერიოზულია.

ცნობისთვის, თბილისის მერმა დავით ნარმანიამ ტექნოლოგიური უნივრესიტეტის მშენებლობასთან დაკავშირებით, ფონდ „ქართუს“ წარმომადგენლებთან კონსულტაციები უკვე გამართა.

ნარმანიას  თქმით, უნივერსიტეტის ასაშენებლად რამდენიმე ტერიტორიას განიხილავენ.

„ამ საკითხთან დაკავშირებით, კონსულტაცია უკვე გვქონდა ფონდ „ქართუს“ წარმომადგენლებთან. არის რამდენიმე ტერიტორია, რომელიც შეიძლება მათ შევთავაზოთ. გააჩნია პროექტი რა მოცულობის იქნება და შესაბამისად, რა ტერიტორია დასჭირდება. კონსულტაციებს აუცილებლად გავაგრძელებთ, როდესაც პროექტი წარმოდგენილი იქნება“, - განაცხადა დავით ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა