ოკუპირებული აფხაზეთი და რუსეთი აფხაზეთში მცხოვრები რუსეთის მოქალაქეებისთვის აუცილებელი სამედიცინო დაზღვევის შეთანხმებას გააფორმებს, - ამის შესახებ Apsny-press იუწყება. 

მედია საშუალების ინფორმაციით, რუსული კომპანიები, Росгосстрах-ი და АльфаСтрахование, 14 წლამდე ბავშვების გარდა, 189 000 ადამიანს მოემსახურებიან. 

ოკუპირებული აფხაზეთის დე ფაქტო ჯანდაცვის მინისტრი ანზორ გოოვი იმედს გამოთქვამს, რომ ეს შეთანხმება იმ პაციენტთა რიცხვს შეამცირებს, რომლებიც სამკურნალოდ საქართველოში მიდიან.

მისივე ინფორმაციით, შეთანხმება რუსეთს ფედერაციაშია გადაგზავნილი და უახლოეს 10-14 დღეში მას ხელი მოეწერება. მისი ხელმოწერა სოხუმშია დაგეგმილი. 

ამასთან, როგორც ე.წ მინისტრი აცხადებს, დაზღვევის გაცემა მოხდება გაგრაში, გუდაუთაში გაცემის 2 პუნქტი იქნება, სოხუმში, ოჩამჩირეში და ტყვარჩელში. 

"ახალი სამედიცინო პოლისი საზღვარს ჩაკეტავს, რადგან პაციენტები ადგილზე ან რუსეთის ნებისმიერ კლინიკაში იმკურნალებენ", - განაცხადა ანზორ გოოვმა.

არსებული ინფორმაციით, 2016 წელს თბილისში 500-ზე მეტი აფხაზი პაციენტი ჩამოვიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება