2017-02-24 11:42:39, 2200 ნახვა
საზოგადოება კომენტარი
გიორგი ანდრიაძე არ გამორიცხავს, რომ მამა მიქაელ ბოტკოველი პატრიარქის მდივნის თანამდებობაზე დარჩეს
საპატრიარქოს უნივერსიტეტის სამეთვალყურეო საბჭოს თავმჯდომარე გიორგი ანდრიაძე არ გამორიცხავს, რომ მამა მიქაელ ბოტკოველი პატრიარქის მდივნის თანამდებობაზე დარჩეს.
როგორც ანდრიაძემ ჟურნალისტებს განუცხადა, „მიქაელ ბოტკოველმა წასვლის შესახებ ემოციური განცხადება გააკეთა“.
„მამა მიქაელ ბოტკოველმა წასვლის შესახებ ემოციური განცხადება გააკეთა. პატრიარქის პოზიცია ამ საკითხთან დაკავშირებით არ ვიცი, თუმცა ჩემი პირადი აზრია, რომ მიქაელ ბოტკოველი არის პატრიარქის ერთგული და ეკლესიაში მის გვერდით იქნება”, - აღნიშნა გიორგი ანდრიაძემ.
ცნობისთვის, გუშინ მამა მიქაელ ბოტკოველმა განაცხადა, რომ პატრიარქის მდივნის თანამდებობას ტოვებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
