2017-02-13 16:17:45, 2156 ნახვა
კომენტარი
თალაკვაძე: დაცვის წევრების გარდა, პატრიარქს იცავს ღმერთი და ლოცვა
საპარლამენტო უმრავლესობის ლიდერის არჩილ თალაკვაძის განცხადებით, პატრიარქის უსაფრთხოების დასაცავად ზომები გაგრძელდება იმდენხანს, რამდენხანსაც საჭირო იქნება.
"ამას შესაბამისი ორგანოები გადაწყვეტენ, თუმცა ჩვენ არ უნდა დაგვავიწყდეს, რომ ჩვენს გარდა და დაცვის წევრების გარდა პატრიარქს იცავს ღმერთი და ლოცვა",-აღნიშნა თალაკვაძემ.
თალაკვაძე ოპოზიციის მოთხოვნას მტკიცებულებების ნაწილის გასაჯაროების თაობაზე, ასე პასუხობს:
"ოპოზიციამ ჯობია, ჯერ უპასუხოს იმ შეკითხვებს, რაც ბოლო პერიოდში სწორედ მათი მისამართით არის დასმული, როგორც საზოგადოების, ასევე პროკურატურის მხრიდან",-განაცხადა თალაკვაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
