ევროპარლამენტში დიდი ბრიტანეთის წარმომადგენლის სტივენ ვულფის განცხადებით, ევროკავშირისთვის თურქეთთან მოსაზღვრე ქვეყანა საფრთხის შემცველია.

როგორც ვულფმა პლენარულ სესიაზე ვიზალიბერალიზაციის საკითხის განხილვისას სიტყვით გამოსვლის დროს განაცხადა, საქართველოსთვის უვიზო რეჟიმის დამტკიცება დიდი შეცდომა იქნება.

„როცა ქალბატონმა მერკერმა უზარმაზარი შეცდომა დაუშვა, გერმანიის კარები რომ გაუღო, შესაბამისი შემოწმების გარეშე, ყველა მსურველს,  ჩვენ ახლა ვიმკით ამ შედეგებს. თურქეთან მოსაზღვრე ქვეყანა საფრთხის შემცველია. ქართულმა  გაზეთმა „რეზონანსმა“ განაცხადა, რომ 600-700 ტერორისტი იყენებს საქართველოს, როგორც ტრანზიტულ ქვეყანას ისლამურ სახელმწიფოში. მოდით, ნუ დავუშვებთ მსგავს შეცდომას", - განაცხადა სტივენ ვულფმა.

კენჭისყრა ვიზალიბერალიზაციასთან დაკავშირებით რამდენიმე წუთში დაიწყება. მას საქართველოს პარლამენტის თავმჯდომარე ირაკლი კობახიძე ესწრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად

საქართველოს ბანკის 27 თანამედროვე ბიბლიოთეკა, 11 რეგიონის 27 სკოლაში