აჭარის ა/რ ჯანმრთელობისა და სოციალური დაცვის მინისტრმა ზაალ მიქელაძემ ხულოს, შუახევისა და ქედის მუნიციპალიტეტების სოფლის ექიმებთან სამუშაო შეხვედრა გამართა.

შეხვედრაზე მინისტრმა მედიკოსებს 2016 წელს გაწეული საქმიანობისათვის მადლობა გადაუხადა და სამომავლო გეგმებზე ესაუბრა.

როგორც „ექსპრესნიუსს“ აჭარის ჯანდაცვის სამინისტროდან აცნობეს, სოფლის ექიმების დამატებითი შრომის ანაზღაურების პროგრამას უწყება მიმდინარე წელსაც აგრძელებს, რაც მაღალმთიანი აჭარის სოფლის ექიმებისათვის ხელფასზე დამატებით 300 ლარის, ხოლო ბარში დასაქმებულთათვის 150 ლარის გაცემას ითვალისწინებს. პროგრამის ბიუჯეტი 270 000 ლარს შეადგენს და დამატებით ანაზღაურებას ჯამში 107 ექიმი მიიღებს.

ზაალ მიქელაძის განმარტებით გამკაცრდება პროგრამის ფარგლებში შესრულებული სამუშაოს მონიტორინგი, მან ასევე, მედიკოსებს სთხოვა მეტი ინიციატივის წარმოდგენა სოფლად მცხოვრები მოსახლეობის ჯანმრთელობისა და სოციალური მდგომარეობის გასაუმჯობესებლად.

2016 წელს სოფლის ექიმებმა სამედიცინო მომსახურება 137 104 პაციენტს გაუწიეს. სამინისტრო პროგრამას 2013 წლიდან ახორციელებს.

მედიკოსებთან გამართულ შეხვედრას მინისტრის მოადგილეები ლელა სურმანიძე, ზურაბ თენიეშვილი და ჯანმრთელობის დაცვის დეპარტამენტის ხელმძღვანელი მანანა ფაღავა ესწრებოდნენ. დღესვე მედიკოსებს პროგრამაში ჩასართავად გაუფორმდათ შესაბამისი ხელშეკრულებები.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანი და უნგრეთის საგარეო საქმეთა მინისტრი სიიარტო არჩევნებში დამარცხების შემდეგ საზოგადოების თვალთახედვიდან გაუჩინარდნენ

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა