თურქეთში საქართველოს ხუთი მოქალაქე დააკავეს, მათ პოლიციელის მკვლელობაში ედებათ ბრალი, - ამის შესახებ ინფორმაციას თურქული მედია ავრცელებს.

მედია საშუალების ინფორმაციით, მოკლული 45 წლის ჩეთინ შაჰინია. ინციდენტი თურქეთის ქალაქ მარმარისში მოხდა.

როგორც ადგილობრივი მედია წერს, დილის 06:00 საათზე უცნობი პირები სამართალდამცველის კუთვნილი ავტომობილის გატაცებას ცდილობდნენ, რა დროსაც ჩეთინ შაჰინმა მათთვის წინააღმდეგობის გაწევა სცადა.

მედიის ცნობით, სამართალდამცველს ცივი იარაღით სამი ჭრილობა ჰქონდა მიყენებული. პოლიციელი საავადმყოფოში მიყვანისას გარდაიცვალა.

წინასწარი ინფორმაციით, დაკავებული ქართველები სხვა დანაშაულების ჩადენაშიც არიან ეჭვმიტანილები.

როგორც "ექსპრესნიუსს" საგარეო საქმეთა სამინისტროში განუცხადეს, საქართვველოს კონსული შემთხვევის ადგილზე მიემგზავრება.

მათივე ინფორმაციით, საქართველოს საკონსულოში გავრცელდა ინფორმაცია, რომ 5 მოქალაქეა დაკავებული და მათ განსაკუთრებული სისასტიკით ჩადენილ დანაშაულსი ედებათ ბრალი.

უწყების ცნობით, დაკავებულების დაკითხვა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი