თბილისის ზოოპარკის Facebook-ის ოფიციალური გვერდი გატეხეს

2016-04-04 15:06:55, 876 ნახვა

Lifestyle

თბილისის ზოოპარკის დირექტორის ზურაბ გურიელიძის Facebook პროფილი გატეხეს.

ამის შესახებ ზოოპარკის პრესსამსახურის უფროსი მზია შარაშიძე Facebook-ის საკუთარ გვერდზე წერს.

მისივე ინფორმაციით, გატეხილია თბილისის ზოოპარკის Facebook-ის ოფიციალური გვერდიც.

„SOS!!! ძვირფასო მეგობრებო, გაცნობებთ, რომ სულ ცოტა ხნის წინ, როგორც ჩანს, გატეხეს თბილისის ზოოპარკის დირექტორის, ზურაბ გურიელიძის Facebook პროფილი და ყველა, ვინც თბილისის ზოოპარკის Facebook გვერდს ვმართავდით, დაგვბლოკეს. ამჟამად ზოოპარკის გვერდს ჩვენ არ ვმართავთ, ასე რომ, დღეიდან, ვიდრე პრობლემის მოგვარებამდე, თუ რამე დაიდება, იცოდეთ, რომ პოსტები ჩვენ არ გვეკუთვნის, რადგან წვდომა არ გვაქვს გვერდზე. იმედია, ბოროტი, მაგრამ მაინც ხუმრობაა, ყველაფერი მალე მოგვარდება და დავიბრუნებთ ჩვენს საყვარელ გვერდს“, - წერს მზია შარაშიძე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან