ირანმა აშშ-სთან დაგეგმილი მოლაპარაკებების ადგილისა და ფორმატის ცვლილება მოითხოვა. ინფორმაციას გამოცემა Axios ორ ანონიმურ წყაროზე დაყრდნობით ავრცელებს. 

შეხვედრა პარასკევს, სტამბოლში იყო დაგეგმილი, ახლა კი თეირანი ითხოვს, რომ მოლაპარაკებები ომანში გაიმართოს.

გამოცემის ცნობით, ირანის მოთხოვნაა, რომ მოლაპარაკებები ჩატარდეს მხოლოდ ორმხრივ ფორმატში, ირანსა და აშშ-ს შორის და არა რამდენიმე არაბული ქვეყნის წარმომადგენელთან ერთად.

მანამდე, გავრცელდა ინფორმაცია, რომ აშშ-ის პრეზიდენტის დონალდ ტრამპის სპეციალური წარმომადგენლის, სტივ უიტკოფისა და აბას არაღჩის შეხვედრა 6 თებერვალს, სტამბოლში იყო დაგეგმილი.

ამასთან, ცოტა ხნის წინ Reuters-მა დაწერა, რომ აშშ-მა ჩამოაგდო ირანული დრონი, რომელიც არაბეთის ზღვაში აშშ-ის ავიამზიდს უახლოვდებოდა - პარალელურად, Financial Time-მა მიუთითა, რომ ირანის დრონებისა და შეიარაღებული კატარღების "აგრესიულმა" მოქმედებებმა შესაძლოა პრეზიდენტ დონალდ ტრამპის გაღიზიანება გამოიწვიოს. 

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი