ჰიპერი- ოცნების რამდენიმეწლიანი პოლიტიკის შედეგია, რომ საქართველო ახლა კანდიდატი ქვეყანა მხოლოდ ნომინალურადაა

2025-11-07 17:11:08, 2393 ნახვა

კომენტარი

საქართველოს ხელისუფლება ახლა ჩვენ გვიყენებს დეზინფორმაციის კამპანიისთვის. - განაცხადა საგარეო და უსაფრთხოების საკითხებში ევროკომისიის პრესსპიკერმა ანიტა ჰიპერმა.

მან პასუხი გასცა რეალპოლიტიკის შეკითხვაზე, სამთავრობო მედიის მიერ გავრცელებულ
ინფორმაციაზე, თითქოს საქართველოს ევროინტეგრაცია შეაჩერა თავად ორგანიზაციამ ხუთი თვით ადრე ირაკლი კობახიძის განცხადებამდე.

“რასაც ვხედავთ არის ის, ყურადღების გადატანა ფაქტებიდან. საქართველოს ხელისუფლება ახლა ჩვენ გვიყენებს დეზინფორმაციის კამპანიისთვის. ამიტომ მოდით მოვახდინოთ ფაქტების კონსტატაცია. 2024 წლის ივნისში, გვქონდა ევროპული საბჭოს დასკვნა, სადაც მორიგ ჯერზე გამეორებული იყო, დემოკრატიული უკუსვლა და ასევე გამომაგხიზლებელი მოწოდება საქართველოს ხელისუფლებისთვის შეეცვალათ კურსი. მაშინაც იგივე ქართული ოცნების მთავრობა იყო. იგივე პარტია იყო უმრავლესობაში პარლამენტში. მაგრამ დემოკრატიისთვის დესტრუქციული ქმედებების შეცვლის ნაცვლად, ვხედავთ, როგორი ინტენსიური გახადეს ეს ქმედებები ოპოზიციაზე რეპრესიების, ჟურნალისტების ციხეში ჩასმისა და მშვიდობიან დემონსტრანტებზე თავდასხმების თვალსაზრისით. ასე, რომ 2024 წელს ჩვენ გვქონდა ევროპული საბჭოს დასკვნა. ოქტომბერშიც და დეკემბერშიც. ამ კვირაში ვნახეთ გაფართოების ანგარიში და ყველა ამ ქმედების შედეგია ის რომ საქართველო ახლა კანდიდატი ქვეყანა მხოლოდ ნომინალურადაა…” - განაცხადა ჰიპერმა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,