ისრაელის საელჩოებში უსაფრთხოების ზომები გაძლიერდება, - ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.

ისრაელის პრემიერ-მინისტრის, ბენიამინ ნეთანიაჰუს განცხადებით, ვაშინგტონში, ებრაული მუზეუმის მახლობლად მომხდარი სროლის შედეგად, ისრაელის საელჩოების თანამშრომლების „ანტისემიტური მკვლელობით შოკირებულია“.

„ისრაელის წინააღმდეგ სისხლიანი ცილისწამება სიცოცხლის ფასად გვიჯდება და მათ წინააღმდეგ უნდა ვიბრძოლოთ. გავეცი ბრძანება, რომ მთელ მსოფლიოში ისრაელის დიპლომატიურ წარმომადგენლობებში უსაფრთხოების ზომები გაძლიერდეს“, - განაცხადა ბენიამინ ნეთანიაჰუმ.

შეგახსენებთ, ვაშინგტონში, ებრაული მუზეუმის მახლობლად, ღამით ისრაელის საელჩოს ორი თანამშრომელი მოკლეს.

აშშ-ის დედაქალაქის პოლიციის უფროსის, პამელა სმიტის ცნობით, მკვლელობაში ეჭვმიტანილი დაკავებულია.

ვაშინგტონის პოლიციის განცხადებით, ეჭვმიტანილი 30 წლის ელიას როდრიგესია, რომელიც დაკავებისას „თავისუფლება პალესტინას“ სკანდირებდა.

ავტორი: ექსპრესნიუსი,

სოციალური ქსელები

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ