ევროპა ჯერ კიდევ შორს არის უკრაინაში ჯარების განლაგების შესახებ საუბრისგან, რადგან ამჟამად მთელი მისი ძალისხმევა რუსეთის მხრიდან უპირობო ცეცხლის შეწყვეტის უზრუნველყოფაზეა ორიენტირებული, - Reuters-ის ინფორმაციით, ამის შესახებ გერმანიის კანცლერმა ფრიდრიხ მერცმა და იტალიის პრემიერ-მინისტრმა ჯორჯია მელონიმ განაცხადეს.

„შემდეგი ნაბიჯი უნდა იყოს სამშვიდობო მოლაპარაკებების ფორმატის მკაფიოდ განსაზღვრა, ასევე იმის გარკვევა, თუ რა უსაფრთხოების გარანტიები შეიძლება გახდეს ერთ დღეს საჭირო უკრაინისთვის. ამ მომენტში (ჯარების) შესახებ საუბრის არანაირი მიზეზი არ არსებობს, ჩვენ ამისგან შორს ვართ. გვინდა, რომ იარაღის სროლა შეწყდეს, მკვლელობები დასრულდეს. ეს არის ის საკითხები, რომლებსაც ახლა ვემსახურებით და არა სხვას“, - აღნიშნა მერცმა.

იტალიის პრემიერმა ჟურნალისტებს განუცხადა, რომ მისი ქვეყანა მზადაა, ომის დასრულებისკენ მიმართულ ნებისმიერ საერთაშორისო ფორმატს შეუერთდეს. ამასთან, მისი თქმით, მნიშვნელოვანია დასავლეთის ერთიანობა.

„რუსეთის შეჭრის დაწყებიდან დასავლეთის ერთიანობა ჩვენი უდიდესი ძალა იყო. ასეთ დელიკატურ დროს მნიშვნელოვანია გვერდზე გადავდოთ ნებისმიერი პირადი წინააღმდეგობები, რამაც შეიძლება ამ ერთიანობას ძირი გამოუთხაროს“, - აღნიშნა მელონიმ.

საფრანგეთის, გერმანიის, გაერთიანებული სამეფოს, პოლონეთისა და უკრაინის ლიდერებმა პარასკევს ალბანეთში შეხვედრა გამართეს. ისინი ასევე ტელეფონით ესაუბრნენ აშშ-ის პრეზიდენტ დონალდ ტრამპს, რომელმაც შაბათს განაცხადა, რომ ორშაბათს რუსეთის პრეზიდენტ ვლადიმერ პუტინს დაელაპარაკება. მელონი შეხვედრაში არ მონაწილეობდა - იტალიურმა მედიამ ეს მიზანმიმართულ იგნორირებად შეაფასა და მიანიშნა, რომ საფრანგეთის პრეზიდენტ ემანუელ მაკრონს მისი მონაწილეობა არ სურდა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო