18 მაისს პაპი ლეო XIV-ის პინტიფიკატი ოფიციალურად დაიწყო.

პაპის ინაუგურაცია ვატიკანში წმინდა პეტრეს მოედანზე გაიმართა. საინაუგურაციო ცერემონია წმინდა წირვის ფარგლებში ჩატარდა, რომლის დროსაც პაპს პალიუმი და მებადურის ბეჭედი გადაეცა.

სიტყვით მიმართვისას პაპმა წმინდა პეტრეს მოედანზე შეკრებილებს ერთობისკენ მოუწოდა და პირობა დადო, რომ კათოლიკური ეკლესიის მემკვიდრეობას დაიცავს.

"პეტრე არასდროს უნდა დანებდეს ცდუნებას, იყოს ავტოკრატი, რომელიც ბატონობს მის სამწყსოზე, პირიქით, ის უნდა მსახურებდეს მისი დებისა და ძმების რწმენას" - თქვა საინაუგურაციო ქადაგებისას პაპმა.

ღია ცის ქვეშ გამართულ წირვაზე ლეო XIV რომის კათოლიკური ეკლესიის 267-ე პაპად და ვატიკანის სუვერენულ მმართველად ოფიციალურად აღიარეს.

69 წლის კარდინალი პრევოსტი კონკლავმა პაპად 8 მაისს აირჩია.

ფრანცისკეს შემდეგ ლეო XIV მეორე პაპი იქნება დასავლეთ ნახევარსფეროდან, თუმცა ბერგოლიოსგან განსხვავებით პრევოსტი აშშ-ს მოქალაქეა. ის ილინოისის შტატის ქალაქ ჩიკაგოში 1955 წელს დაიბადა

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო