„არ მჯერა, რომ რომელიმე პუნქტთან დაკავშირებით „ქართული ოცნება“ მზად არის დათმოს რამე“, - ამის შესახებ „გირჩი - მეტი თავისუფლების“ ლიდერმა ზურაბ ჯაფარიძემ განაცხადა.

მან ასევე აღნიშნა, რომ ყველა პუნქტი მნიშნელოვანია და ყველაზე შეთანხმება შეიძლება.

„კარგი იქნებოდა, თუ იმ ხუთ პუნქტთან მიმართებაში ევროკავშირის წარმომადგენლების პოზიცია იქნებოდა წინასგან განსხვავებით ისეთი, რომ ჩვენთან ევროპაში ასეა და სასამართლო თქვენთანაც უნდა იყოს ასეთი, დამოუკიდებელი, პოლიტიკური გავლენებისგან თავისუფალი და კლანის ხელში არ უნდა იყოს.

შეთანხმება შეიძლება შედგეს ყველა საკითხზე. ჩემი აზრით ყველა საკითხი არის პრინციპული.

გასაგებია, რომ ოპოზიციური პარტიების დიდი ნაწილისთვის ყველაზე მნიშვნელოვანი არის პოლიტიკური პატიმრების გათავისუფლება და ხელახალი არჩევნები, ჩემთვის ასევე მნიშვნელოვანია, რომ საარჩევნო სისტემა შეიცვალოს და იყოს სრულად პროპორციული ნულოვანი ბარიერით, რომ დავამთავროთ ორპოლუსიანობა და ერთპარტიული მმართველობა.

არ მჯერა, რომ ივანიშვილი ხელიდან გაუშვებს ცესკოს, საარჩევნო სისტემას, სასამართლოს ან პროკურატურას. არ მჯერა, რომ რომელიმე პუნქტთან დაკავშირებით მზად არის „ოცნება“ დათმოს რამე“, – განაცხადა ზურაბ ჯაფარიძემ.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო