ეროვნული ბანკის პრეზიდენტის გიორგი ქადაგიძის განცხადებით, იმ მოქალაქეებმა, რომლებისთვისაც სესხის მომსახურება მნიშვნელოვან პრობლემად იქცა, საკუთარ კომერციულ ბანკებს საკრედიტო ხელშეკრულებების რესტრუქტურიზაცია უნდა მოსთხოვონ.

როგორც ქადაგიძემ ჟურნალისტებს განუცხადა, შექმნილ ვითარებაში ბანკებმა მოქალაქეებს რესტრუქტურიზაციის სანაცვლოდ, არავითარი დამატებითი საურავები არ უნდა დააკისრონ ან არ დაემუქრონ ე.წ. შავ სიაში მოხვედრით.

გიორგი ქადაგიძის თქმით, აღნიშნულ პროცესს ეროვნული ბანკი გააკონტროლებს.

„არაფერი არ არის გასაკვირი და უცნაური იმაში, რომ მოსახლეობის ნაწილს გაურთულდათ სესხების მომსახურება. ვინაიდან, განსაკუთრებით მათ, ვისაც დოლარში ჰქონდა სესხი, გაეზარდათ სესხის მომსახურების ტვირთი. შესაბამისად, იმ ჩვენმა მოქალაქეებმა, ვისთვისაც ეს მნიშვნელოვან პრობლემად იქცა, უნდა მიაკითხონ საკუთარ კომერციულ ბანკებს და მოსთხოვონ მათ რესტრუქტურიზაციები საკუთარი საკრედიტო ხელშეკრულებების. ბანკებმა უნდა გამოიჩინონ მაქსიმალური მოქნილობა და არავითარ შემთხვევაში არ უნდა დააკისრონ არც გაზრდილი პროცენტი, არც დამატებითი საურავები რესტრუქტურიზაციების სანაცვლოდ და მითუმეტეს მიუღებელია მუქარა, ე.წ. შავ სიაში მოხვედრის. საბანკო სექტორმა უნდა გამოიჩინოს სოციალური პასუხისმგებლობა. ამ პროცესს ჩვენ გავაკონტროლებთ და გავუწევთ მონიტორინგს“, - განაცხადა გიორგი ქადაგიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი