„საქართველოში ეკონომიკური ზრდა შენარჩუნებულია და გაუმჯობესებულია ბიზნეს გარემო“,-ამის შესახებ საქართველოს პრემიერ-მინისტრმა ირაკლი ღარიბაშვილმა  EBRD-ის ყოველწლიური შეხვდრის ცერემონიაზე განაცხადა. 

ღარიბაშვილის თქმით,  რეგიონში შექმნილმა ვითარებამ უარყოფითი გავლენა მოახდინა, თუმცა საქართველომ შეძლო ეკონომიკური ზრდის შენარჩუნება. 

„საქართველო არის ყველაზე ღია ქვეყანა ყველაზე მარტივი საგადასახადო სიტემით და დაბალი გადასახადებით. ჩვენ სულ ექვსი  ტიპის გადასახადი გვაქვს, საერთოდ არ გვაქვს სოციალური გადასახადი. ჩვენ გავაუქმეთ იმპორტის გადასახადი საქონლის  თითქმის 85%-ზე, ხოლო დანარჩენზე გვაქვს 5 ან 12%-იანი  განაკვეთი.  ჩვენ გვაქვს ძალიან მარტივი საგადასახაო საბაჟო პროცედურები  და ყოველივე ამას ადასუტრებს ის საერთაშორისო  რეიტინგები, რომლებშიც  საქართველოს აქვს წამყვანი პოზიციები“,-განაცხადა ირაკლი ღარიბაშვილმა.

ამასთან, პრემიერ-მინისტრმა  მსოფლიოში საერთაშორისო  ორგანიზაციების მიერ გამოქვეყნებულ რეიტინგებზე ისაუბრა.

„მსოფლიო ბანკის შეფასებით, ბიზნესის  კეთების  რეიტინგში მსოფლიოში მე- 15  ადგილი უკავია ჩვენს ქვეყანას.  ევროპის და ცენტრალური აზიის რეგიონში  მე-8 ადგილი,  ზედიზედ 4  წლის განმავლობაში საკუთრივ რეგისტრაციის თვალსაზრისით  საქართველო პირველ ადგილზე იყო მთელ მსოფლიოში. „ TRACE MATRIX”-ის ინდექსის მიხედვით  კორუფციის სიმცირის რეიტინგით  საქართველო   მე 11- ადგილზე არის  197 ქვეყანას შორის.  ჩვენ ვუსწრებთ ისეთ ქვეყნებს, როგორიც  არის  ნორვეგია, ჰოლანდია, საფრანგეთი, შვეიცარია, დიდი ბრიტანეთი და ავსტრია.  ღია მმართველობის 2015 წლის ინდექსის  თანახმად,  ჩვენი ქვეყანა 29-ე ადგილზე არის მსოფლიოში და ლიდერობს აღმოსავლეთ ევროპის და  ცენტრალური აზიის  ქვეყნებს შორის.  ეკონომიკური თავისუფლების ინდექსით,  საქართველო არის მსოფლიოში 22- ე ადგილზე.  ჩვენ ვთავაზობთ ინვესტორებს   სამართლებრივ უსაფრთხოებას,   ხარისხიან გამჭვირვალე  პრონოზირებად კანონებს,  ჯანსაღ პროცედურებს,  სანდო სასამართლოს  და დამოუკიდებელ  მიუკერძოებელ სასამართლოს  და სანოტარო სისტემებს.  საჯარო მონაცემთა ხელმისაწვდომობას, ინფორმაციის ღიაობას და ხელმისაწვდომ სწრაფ და გამჭვირვალე  საჯარო ინფორმაციას. 
წინასწარი გათვლებით პირდაპირმა უცხოურმა ინვესტიციებმა   გასულ წელს საქართველოში შეადგინა  1 მილიარდ  272 მილიონი დოლარი, რაც 35%-ით  გახლვათ წინა წელთა შედარებით. ეს მაჩვენებლი არის საუკეთესო 2007 წლის  შემდგომ“,-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი