„ფაქტია, რომ სახელმწიფო თავის სიმაღლეზე არ დგას და ამას სასწრაფოდ შველა სჭირდება“, - ამის შესახებ „დემოკრატიული მოძრაობა - ერთიანი საქართველოს“ თავმჯდომარე ნინო ბურჯანაძემ ქაშუეთის ეზოში ჟურნალისტებს განუცხადა.

მისივე თქმით, ტრაგედიის თავიდან აცილება ყოველთვის ვერ ხერხდება, მაგრამ როცა სახელმწიფო ძლიერია და სახელმწიფო სტრუქტურები არიან კარგად აწყობილნი, მაშინ ასეთი ტრაგედიის ალბათობა მცირეა.

„საშინელი ტრაგედიაა. სრულიად ახალგაზრდა მშობლებმა დაკარგეს შვილი, მეუღლემ დაკარგა მეუღლე და გვერდში მდგომი ადამიანი. ოჯახმა მართლაც წარმოუდგენელი ტრაგედია განიცადა. ჩვენ ყველანი ვუსამძიმრებთ მათ ამ ძალიან მძიმე წუთებში. სამწუხაროდ ვერაფერით ვეღარ დავეხმარებით ჩვენ ამ ადამიანებს. ერთი კი არის, რომ მათ შვილს პატივი უნდა მივაგოთ ყველამ და ასეთ ვითარებებში დაღუპული ადამიანების პატივსაცემად, რომლებიც სამშობლოს, მოქალაქეებს იცავენ, ყველაფერი უნდა გავაკეთოთ. ამავე დროს, სახელმწიფო უნდა იყოს ძალიან მობილიზებული. სამწუხაროდ, ასეთი ტრაგედიის თავიდან აცილება ყოველთვის ვერ ხდება, მაგრამ როცა სახელმწიფო ძლიერია და სახელმწიფო სტრუქტურები არიან კარგად აწყობილნი, მაშინ ასეთი ტრაგედიის ალბათობა ალბათ მცირდება. არ მინდა ამ მძიმე დღეს პოლიტიკური განცხადებები გავაკეთო, მაგრამ ფაქტია, რომ ჩვენი სტრუქტურები და სახელმწიფო დღეს თავის სიმაღლეზე არ არის და ამას სასწრაფოდ შველა სჭირდება“, - განაცხადა ბურჯანაძემ.

ქაშუეთის წმინდა გიორგის სახელობის ტაძარში დაღუპული პოლიციელის ბექა მარგიშვილის სამოქალაქო პანაშვიდი მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო