ქართული მედია საშუალებების მიერ გავრცელებული ინფორმაცია, აფხაზეთში რუსეთის სამხედრო ყოფნის გაძლიერების შესახებ, სინამდვილეს არ შეესაბამება, - ამის შესახებ რუსეთის საგარეო უწყების ოფიციალურმა წარმომადგენელმა მარია ზახაროვამ განაცხადა.

ზახაროვას თქმით, გავრცელებული ინფორმაცია არის აბსურდული, თუმცა მას ბევრი მაღალჩინოსანი გამოეხმაურა. 

ინფორმაციის ავტორები, არც კი შეწუხდნენ იმით, რომ რამე რეალისტური ამბავი მოეფიქრათ. სამწუხაროა, რომ ასეთ ინფორმაციას ბევრი მაღალჩინოსანი გამოეხმაურა. ეს აბსურდია და მსგავსი არაფერი ხდება. როგორც ვვარაუდობთ, ეს ყველაფერი დაკავშირებულია ამ დღეებში რუსეთში რატიფიცირებულ შეთანხმებასთან, რუსეთის ფედერაციისა და აფხაზეთის შეიარაღებული ძალების გაერთიანებული დაჯგუფების შესახებ. თუკი ასეა, შეგახსენებთ, რომ ეს დოკუმენტი ასახავს ორ სუვერენულ სახელმწიფოს შორის სტრატეგიულ პარტნიორობას უსაფრთხოების სფეროში, რაც არანაირად არ უქმნის საფრთხეს მეზობელი ქვეყნების ინტერესებს. საქართველოში დაუსაბუთებელი ინსინუაციების გავრცელება გვიჩვენებს, რომ რუსულ-ქართული ურთიერთობის ნორმალიზაციის მოწინააღმდეგეები განაგრძობენ აქტიურ მოქმედებებს“, - განაცხადა ზახაროვამ.

ცნობისთვის, მისი კომენტარი ეხებოდა ინფორმაციას, რომლის თანახმადაც, გალი „სამხედრო ქალაქი“ გახდება, რომელშიც რუსეთის სამხედრო ბაზები და აეროდრომები აშენდება და არმიის უზარმაზარი კონტინგენტი განთავსდება.

შეგახსენებთ, რომ რუსეთის პრეზიდენტმა ვლადიმერ პუტინმა რატიფიკაციის კანონს, რუსეთის ფედერაციასა და ოკუპირებულ აფხაზეთს შორის სისხლის სამართლის საქმეებზე ორმხრივი სამართლებრივი დახმარების შესახებ, ხელი მოაწერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი