ტეხასის ქალაქ დალასში, საპროტესტო აქციაზე 5 სამართალდამცველი მოკლეს, 6 კი დაჭრილია, - ამის შესახებ BBC იუწყება.

მედია საშუალების ინფორმაციით, დემონსტრანტები პოლიციელების მიერ ლუიზიანასა და მინესოტაში 2 ფერადკანიანი მამაკაცის მკვლელობას აპროტესტებდნენ.

დალასში გამართული აქციის დროს 2 უცნობმა პირმა სამართალდამცველებს ცეცხლი სნაიპერული შაშხანიდან გაუხსნა. 3 სამართალდამცველი ადგილზევე დაიღუპა, 2 კი საავადმყოფოში მიყვანისას გარდაიცვალა. დაჭრილია კიდევ 6 პოლიციელი, რამდენიმე მათგანის მდგომარეობა სტაბილურად მძიმეა.

ეჭვმიტანილებმა შემთხვევის ადგილიდან მიმალვა შეძლეს. წინასწარი ინფორმაციით, სამართალდამცველების მკვლელობაში 3 ეჭვმიტანილი უკვე დაკავებულია. ადგილობრივი სამართალდამცველების იფნრომაციით, ერტ-ერთი ეჭვმიტანილი პოლიციას ჩაბარდა.

როგორც BBC წერს, საპროტესტო აქციები ლუიზიანაში დაიწყო. მოსახლეობის ნაწილი ქუჩაში მას შემდეგ გავიდა, რაც ინტერნეტში გავრცელდა ვიდეო, რომელშიც ჩანს როგორ ესვრის ორი პოლიციელი ფერადკანიანს ქალაქ ბატონ-რუჟში.

როგორც გამოძიებამ დაადგინა, გარდაცვლილი 37 წლის ელტონ სტერლინგია. ის მკერდისა და ზურგის არეში ცეცხლსასროლი იარაღით მიყენებული ჭრილობებიგან გარდაიცვალა. ამასთან, მეორე დღეს ინტერნეტში კიდევ ერთი ჩანაწერი გამოქვეყნდა, სადაც ასევე ფერადკანიანი ფილანდო კასტილეს მკვლელობა ჩანს. კასტილე პოლიციამ მინესოტას შტატში მოკლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო